İndiyədək sənaye zonalarında 8 milyard manat dəyərində məhsul istehsal edilib
Bakı, 28 oktyabr, AZƏRTAC
Cari ilin 9 ayında sənaye zonalarında məhsul istehsalı 2021-ci ilin müvafiq dövrü ilə müqayisədə 41,5 faiz artaraq 2,1 milyard manatdan çox, ixrac isə 55,3 faiz artaraq 846,1 milyon manat təşkil edib.
AZƏRTAC xəbər verir ki, bu barədə iqtisadiyyat naziri Mikayıl Cabbarov deyib.
Nazir bildirib ki, bu dövrdə sənaye zonalarının qeyri-neft sənayesi məhsulları istehsalında xüsusi çəkisi 16,6 faiz, ixracında isə 33,3 faiz olub. İndiyədək sənaye zonalarında 8 milyard manat dəyərində məhsul istehsal edilib və bunun 2,6 milyard manatlıq hissəsi ixrac olunub.
Bölmənin digər xəbərləri
