İtaliyada əcnəbi həkimlərin əməkhaqqı aşağıdır
Roma, 2 may, AZƏRTAC
İtaliyada çalışan əcnəbi həkimlər müqavilələrində nəzərdə tutulmuş səviyyədən çox aşağı əməkhaqqı alır.
AZƏRTAC ANSA agentliyinə istinadla xəbər verir ki, bu barədə ölkə mətbuatına əcnəbi həkimləri birləşdirən AMSI assosiasiyasının rəhbəri Foad Aodi məlumat verib.
Bildirilib ki, assosiasiyanın üzvlərinə mütəmadi olaraq özəl klinikaların kollektiv müqavilələrində nəzərdə tutulmuş səviyyədən olduqca aşağı əməkhaqqı ödənilir.
Əcnəbi həkimlərin maaşlarının gecikdirilməsinin daha bir böyük problem olduğunu söyləyən F.Aodi deyib ki, bu ilin yanvar ayından etibarən 70-dən çox həkim aşağı ödənişlə AMSI-yə müraciət edib. Onun sözlərinə görə, kollektiv müqavilədə əmək haqqı bir saat üçün minimum 18 avro göstərildiyi halda, əcnəbi həkimlərin əməkhaqqı cəmi yeddi avro təşkil edir.
Asiman Əsədov
AZƏRTAC-ın xüsusi müxbiri
Roma
Bölmənin digər xəbərləri
