İYULUN 1-DƏN QAZAXISTANDA MİQRASİYA VƏSİQƏLƏRİ TƏTBİQ EDİLƏCƏKDİR
İyul ayının 1-dən etibarən Qazaxıstanda miqrasiya vəsiqələri tətbiq ediləcəkdir. AZƏRTAC-ın xüsusi müxbiri Almatıdan xəbər verir ki, vəsiqələr sərhəd və gömrük xidməti tərəfindən sərhəddə, beynəlxalq aeroportlarda və miqrasiya polis idarələrində pulsuz veriləcəkdir. Yeni miqrasiya vasitələri əsasən MDB dövlətlərindən gəlmiş vətəndaşlara təqdim olunacaqdır. Xarici vətəndaşlar ölkədə olduqları müddətdə miqrasiya vəsiqələrini özlərində saxlamalı, ölkədən gedəndə təhvil verməlidirlər. Yeni qayda 16 yaşı tamam olmamış və Qazaxıstanda beş gündən az qalacaq MDB vətəndaşlarına tətbiq edilməyəcəkdir.
Bölmənin digər xəbərləri
