İYUNDA “TBC KREDİT”İN İLK SERVİS MƏRKƏZİ AÇILACAQDIR
“TBC Kredit” təşkilatından AZƏRTAC-a bildirmişlər ki, qurum Azərbaycan bazarında bank olmayan kredit təşkilatı kimi 2000-ci ildən fəaliyyət göstərir. Qurum respublikada ipoteka kreditlərini vermiş ilk təşkilatdır.
Hazırda “TBC Kredit”in nizamnamə kapitalı 10 milyon ABŞ dolları təşkil edir. Təşkilatın yeni təsisçisi Gürcüstanın aparıcı bankı “TBC Bank”dır.
Yaxın günlərdə qurumun Ş.Bədəlbəyli küçəsi, 92 ünvanında ilk servis mərkəzi açılacaqdır. Strateji inkişaf planına əsasən, təşkilat beş il ərzində Bakı, Sumqayıt şəhərlərində, eləcə də ölkənin digər regionlarında 15-dək servis mərkəzinin açılmasını planlaşdırmışdır.
“TBC Kredit” təşkilatı müştərilərə fərdi, istehlak, avtomobil, ipoteka və biznes kreditlərinin geniş spektrini təklif edir.
