Kanadalı alim nüfuzlu Abel mükafatına layiq görülüb
Bakı, 2 aprel,AZƏRTAC
“Riyaziyyatçılar üçün Nobel mükafatı” adlandırılan nüfuzlu Abel mükafatına bu il kanadalı riyaziyyatçı, ədədlər nəzəriyyəsi və həndəsəylə bağlı Lenqlends proqramının müəllifi Robert Lenqlends layiq görülüb.
AZƏRTAC Azərbaycan Mili Elmlər Akademiyasının saytına istinadla xəbər verir ki, R.Lenqlends ABŞ-ın Prinston Universitetinin Perspektivli Tədqiqatlar İnstitutunun fəxri professorudur. Alim tərəfindən 1967-ci ildə həyata keçirilən tədqiqat işlərinin mahiyyəti ədədlər nəzəriyyəsi və riyaziyyat elminin iki ayrı sahəsi olan təsəvvürlər nəzəriyyəsi arasında əlaqələrin müəyyən edilməsindən ibarətdir.
Mükafatın təntənəli təqdimetmə mərasimi 2018-ci il mayın 22-də Osloda keçiriləcək.
Bölmənin digər xəbərləri
