KƏND TƏSƏRRÜFATI AKADEMİYASININ KOLLEKTİVİ MÜXALİFƏTİN QƏRƏZLİ ÇIXIŞLARINI PİSLƏYİR
Son günlər müxalifət qəzetlərində ölkəmizin Prezidentinin səhhəti ilə bağlı dərc edilən qərəzli yazılar Azərbaycan Kənd Təsərrüfatı Akademiyasında keçirilən toplantıda qətiyyətlə pislənmişdir. Toplantıda çıxış edənlər dövlətimizin başçısının ünvanına iftiraları “düşmən dəyirmanına su tökmək” kimi qiymətləndirmişlər. Natiqlər Heydər Əliyevin respublikamıza rəhbərlik etdiyi 34 il ərzində gördüyü nəhəng quruculuq işlərindən danışmış, xalqımızın öz liderini yaxşı tanıdığını və onun daxili və xarici siyasətini yekdilliklə dəstəklədiklərini vurğulamışlar. Bildirilmişdir ki, Azərbaycan xalqının öz rəhbərinə dərin inam və ehtiram bəslədiyini çox yaxşı bilən müxalifətin ən çirkin üsullara əl atması onların acizlik və xudbinlik mərəzindən xəbər verir.
Toplantıda belə bir yekdil fikir səslənmişdir ki, Akademiyanın kollektivi müxalifət qəzetlərinin Prezidentimizə qarşı şər-böhtan kampaniyasına qəti etirazını bildirir və buna rəvac verənlər barədə qanunun tələblərinə uyğun tədbirlər görülməsini tələb edirlər.
Akademiyanın professor və müəllimləri ölkəmizin ictimaiyyətinə müraciət qəbul etmişlər.
Bölmənin digər xəbərləri
