Kimyaçı alimin beynəlxalq simpoziumda məruzəsi maraq doğurub
Bakı, 24 iyul, AZƏRTAC
Kataliz və Qeyri-üzvi Kimya İnstitutunun doktorantı, kimya üzrə fəlsəfə doktoru Sevinc Osmanova Belçikanın Louvain-la-Neuve şəhərində UCLouvain Universitetində keçirilmiş "Heterogen katalizatorların hazırlanmasının elmi əsasları" üzrə 13-cü Beynəlxalq simpoziumda iştirak edib.
Bu barədə AZƏRTAC-a institutdan məlumat verilib. Bildirilib ki, beynəlxalq tədbirdə S.Osmanovanın Kataliz və Qeyri-üzvi Kimya İnstitutunun “HORİZON 2020” proqramı çərçivəsində Belçika, Almaniya, Niderland, İngiltərə, Fransa və Norveçin 9 elmi-tədqiqat mərkəzləri və universitetləri ilə birgə yerinə yetirdiyi layihə üzrə “Metanın oksidləşdirici konversiyası reaksiyasında kompleksəmələgətirici reagentin MnNaW/SiO2 tərkibli katalizatorun aktivliyinə təsiri" mövzusunda məruzəsi maraq doğurub.
Simpoziumda, eyni zamanda, Avropanın bir sıra aparıcı universitetlərinin nümayəndələri ilə elmi əlaqələrin qurulması və birgə layihələrin işlənilməsi istiqamətində müzakirələr aparılıb.
Bölmənin digər xəbərləri
