Könüllülər Bakı Şəhəri üzrə Təhsil İdarəsində fəaliyyətə başlayıblar
Bakı, 10 aprel, AZƏRTAC
Bakı Şəhəri üzrə Təhsil İdarəsi (BŞTİ) tərəfindən həyata keçirilən VI Könüllülük Proqramı çərçivəsində 25 könüllü fəaliyyətə başlayıb.
BŞTİ-dən AZƏRTAC-a bildiriblər ki, VI Könüllülük Proqramında iştirak etmək üçün 100-dək könüllü elektron ([email protected]) qaydada sənəd verib. Onlardan müvafiq meyarlar əsasında 54-ü müsahibəyə çağırılıb və 25-i müsahibədən müsbət nəticə əldə edib. Seçimlərin nəticələrinə uyğun olaraq 25 nəfər BŞTİ-nin müvafiq struktur bölmələrində fəaliyyətə başlayıb.
Müsahibədən uğurla keçən şəxslər BŞTİ-də üç ay təcrübə keçəcəklər. Könüllü kimi fəaliyyətə başlayan gənclərə proqramın sonunda BŞTİ tərəfindən müvafiq arayış veriləcək.
BŞTİ artıq beş ildir ki, könüllü əsaslarla çalışmaq arzusunda olan gənclərlə əməkdaşlıq edir.
Bölmənin digər xəbərləri
