LATVİYA PREZİDENTİ BMT-NİN BAŞ KATİBİ OLMAQ İSTƏDİYİNİ DANMIR

13.06.2006 [16:43]
Çap et
A⁺ A^-

Latviya Prezidenti Vayra Vike-Freyberqa BMT-nin yeni baş katibi olmaq istədiyini danmır. AZƏRTAC-ın İTAR-TASS-dan aldığı xəbərə görə, o, Birləşmiş Ştatlara səfəri zamanı Amerika teleşirkətlərindən birinə müsahibəsində bu mövzuda suala cavab verərək demişdir ki, hələlik öz olkəsinin Prezidenti işləyir və özünün başlıca vəzifəsini bunda görür. O, eyni zamanda xatırlatmışdır ki, onun prezidentlik səlahiyyətinin müddəti gələn il bitir.

Vike-Freyberqa demişdir: “Zənnimcə, BMT-nin baş katibi işləmək imkanı qazanan hər bir insan bunu öz həyatının başlıca amalı etməlidir”.

O vurğulamışdır ki, coğrafi regionların rotasiyası prinsipinə görə, indi Birləşmiş Millətlər Təşkilatının baş katibi vəzifəsinə Asiya nümayəndələri namizəddir, lakin bu prinsip nə BMT-nin Nizamnaməsində, nə də hətta sabit ənənədə təsbit olunmuşdur. Latviya Prezidenti həmçinin xatırlatmışdır ki, ümumdünya təşkilatının movcud olduğu 60 ildə ona hələ heç vaxt qadın başçılıq etməmişdir.

LATVİYA PREZİDENTİ BMT-NİN BAŞ KATİBİ OLMAQ İSTƏDİYİNİ DANMIR

MÜƏLLİFLƏ ƏLAQƏ

Bölmənin digər xəbərləri