LƏNKƏRANLILAR HİDDƏTLƏRİNİ BİLDİRİRLƏR
Xalqımızın əvəzsiz lideri, Azərbaycan Respublikasının Prezidenti Heydər Əliyevin şəxsiyyəti ilə, onun Vətən qarşısındakı misilsiz xidmətləri ilə daim fəxr edən lənkəranlılar müxalifət partiyalarının, eləcə də Türkiyədəki bəzi kütləvi informasiya vasitələrinin dövlətimizin başçısının səhhəti haqqında qərəzli, uydurma məlumat yaymalarını hiddətlə pisləyirlər. Şəhərdə keçirilən etiraz yığıncaqlarında bu, dəfələrlə səslənmişdir. Təhsil işçiləri nümayəndələrinin ümumrayon toplantısında müəllimlər, qocaman pedaqoqlar təhsil işçilərinin əmək haqlarının artırılmasına görə Prezidentə bir daha minnətdarlıqlarını ifadə etmiş, “Yeni Müsavat”, “Azadlıq” qəzetlərinin ölkəmizin rəhbəri barədə yazdıqları yalan məlumatları iftira adlandırmışlar. Onlar Azərbaycan mentalitetinə yad olan belə yazı müəlliflərinin qanun qarşısında cavab vermələrini tələb etmişlər.
Lənkəranda fəaliyyət göstərən idman təşkilatlarının nümayəndələri öz toplantılarında Prezident Heydər Əliyevin gənclərə, idmanın inkişafına daim qayğı göstərdiyini qeyd etməklə yanaşı, müxalifət qüvvələrinin milli liderimiz barədə nalayiq, mənəviyyatsız mövqelərinin vətənə xəyanət, rəzillik olduğunu bildirmişlər. Toplantılarda dövlətimizin başçısına müraciət qəbul olunmuş, onun tezliklə Vətənə dönməsi, Lənkəranda özünün on minlərlə seçiciləri ilə görüşə gəlməsi arzusu ifadə edilmişdir.
Bölmənin digər xəbərləri
