LERİKDƏ TURİZM VƏ İSTİRAHƏT MƏRKƏZİ TİKİLİR
AZƏRTAC-ın müxbiri xəbər verir ki, Lənkəran-Lerik yolunun 34-cü kilometrliyində, Vazaru çayı sahilindəki sıx meşəliklər arasında “Tala” turizm və istirahət mərkəzinin tikintisinə başlanmışdır.
Lerikli sahibkar İqbal Məmmədovun şəxsi vəsaiti ilə inşa edilən mərkəzin tikintisində 180 nəfər yerli inşaatçı çalışır. Mərkəz istifadəyə verildikdən sonra isə burada 60 nəfər daimi işlə təmin olunacaqdır.
Obyektin sentyabr ayında istifadəyə verilməsi nəzərdə tutulmuşdur.
