LONDONDA JURNALİSTLƏRƏ ABİDƏ AÇILMIŞDIR
AZƏRTAC xəbər verir ki, Londonda BMT-nin Baş katibi Pan Gi Mun vəzifə borcunu yerinə yetirərkən həlak olmuş jurnalistlərin şərəfinə ucaldılmış abidəni təntənəli şəraitdə açmışdır. Abidə Böyük Britaniyanın paytaxtında Bi-Bi-Si-nin əsas binalarından birinin - radioverilişlər evinin damında şüşə və poladdan hazırlanmış konusdan ibarətdir. Konusdan səmaya qalxan işıq şüası hər axşam yarım saat şəfəq saçaraq, Londonun mərkəzinin gecə mənzərəsini tamamlayacaqdır. “Nəfəs alan” adlandırılmış abidənin müəllifi ispaniyalı rəssam Jaume Plenzadır.
Abidə bütün jurnalistlərin və peşə fəaliyyətində onlara kömək edənlərin hamısının, o cümlədən tərcüməçilərin və sürücülərin xatirəsinə həsr edilir.
Son on il ərzində həftədə orta hesabla iki hərbi müxbir həlak olmuşdur. Yeri gəlmişkən, korrupsiyanın müxtəlif təzahürlərini təhqiq edərkən həlak olanlar buraya daxil deyildir. İtkilər Bi-Bi-Si-dən də yan keçməmişdir - iyunun əvvəlində, demək olar, bir gündə Əfqanıstanda Əbdul Samad Rohani, Somalidə isə Nastex Dahir Faraa həlak olmuşlar.
Bölmənin digər xəbərləri
