MARNEULİDƏ ŞAİRİN ANIM GÜNÜ KEÇİRİLMİŞDİR

13.06.2006 [18:44]
Çap et
A⁺ A^-

AZƏRTAC-ın xüsusi müxbiri xəbər verir ki, Kvemo Kartli-Borçalı bölgəsinin Marneuli şəhər mədəniyyət evində əslən bu rayondan olan, Bakı Dövlət Universitetinin jurnalistika fakültəsini bitirdikdən sonra taleyini Azərbaycan paytaxtı ilə bağlayan nakam şair Fikrət Yunis oğlu Mursaqulovun anadan olmasının 50 illik yubileyi - anım günü qeyd edilmişdir.

Azərbaycan Yazıçılar Birliyi Gürcüstan şöbəsinin rəhbəri şair Rafiq Hümbət, Gürcüstan Aşıqlar Birliyinin rəhbəri Dərviş Osman, şair-tərcüməçi Giya Paçxataşvili, Milli Məclisin deputatları Qənirə Paşayeva, Nazim Məmmədov və başqaları yaradıcılığının çiçəkləndiyi bir zamanda dünyaya vida deyən nakam şairin həyat və yaradıcılığından, onunla bağlı xatirələrindən söhbət açmışlar.

Şairin anası Kəklik Mursaqulova oğlunun xatirəsini belə əziz tutduqlarına görə tədbir iştirakçılarına, onun təşkilatçılarına minnətdarlıq etmişdir.