MAZIMÇAYDA BAYRAM TƏDBİRİ KEÇİRİLİB
AZƏRTAC-ın müxbiri xəbər verir ki, bayram ərəfəsində rayon rəhbərliyi və ictimaiyyətin nümayəndələri musiqi kollektivləri ilə birlikdə Mazımçay kəndində olmuş, yerli sakinlərlə birgə bayram sevinclərini bölüşmüş, onların qayğı və problemləri ilə maraqlanmışlar.
Kənd məktəbinin həyətində keçirilən tədbirdə çıxış edən sakinlər onlara göstərilən diqqət və qayğıya görə Azərbaycan rəhbərliyinə minnətdarlıqlarını bildirmiş, belə görüşlərin xalqlar arasında dostluq və qardaşlıq əlaqələrinin daha da möhkəmləndirilməsinə xidmət etdiyini xüsusi qeyd etmişlər.
Qərara alınmışdır ki, rayonun daxili imkanları hesabına tezliklə kənddə yeni məktəb binasının tikintisinə başlanılsın.
Görüş mədəniyyət işçilərinin hazırladığı maraqlı konsert proqramı ilə başa çatmışdır.
