MƏRKƏZİ SEÇKİ KOMİSSİYASI MƏTBUAT XİDMƏTİNİN MƏLUMATI
Azərbaycan Respublikasının Konstitusiyasında dəyişikliklər edilməsi məqsədi ilə 2002-ci il avqustun 24-nə təyin olunmuş ümumxalq səsverməsinin /referendumun\ hazırlanması və keçirilməsi ilə bağlı referendum dairələrində dairə və məntəqə seçki komissiyalarının üzvləri üçün Mərkəzi Seçki Komissiyası tərəfindən təşkil olunmuş seminar-müşavirələr davam edir.
Avqustun 13-də 28 saylı Səbail referendum dairəsində Mərkəzi Seçki Komissiyasının sədri Məzahir Pənahov seminar-müşavirə iştirakçıları qarşısında çıxış edərək, dairə və məntəqə seçki komissiyalarının sədrlərini və üzvlərini avqustun 24-də referendumun şəffaf, aşkar və demokratik keçirilməsi üçün bütün imkanlardan istifadə etməyə çağırmış, dinləyicilərin çoxsaylı suallarına ətraflı cavab vermişdir. Tədbirdə MSK katibi Qabil Orucov və MSK üzvü Validə Kazımova da iştirak etmişlər.
Digər seminar- müşavirələri 6 saylı Yasamal birinci, 7 saylı Yasamal ikinci, 8 saylı Yasamal-Nəsimi referendum dairələrində MSK katibi Qüdrət Həsənquliyev və MSK Katibliyi təşkilat şöbəsinin müdiri Zemfira Eminova; 9 saylı Xətai birinci, 10 saylı Xətai ikinci və 11 saylı Xətai üçüncü referendum dairələrində MSK katibi Qabil Orucov və MSK üzvü Azər Tağıyev; 24 saylı Nərimanoıv birinci, 25 saylı Nərimanov ikinci referendum dairələrində MSK sədrinin müavini Svetlana Qasımova və MSK üzvü Validə Kazımova; 47 saylı Ağdam şəhər, 48 saylı Ağdam kənd, 52 saylı Ağcabədi və 71 saylı Laçın-Kəlbəcər referendum dairələrində MSK üzvləri Hüseyn Paşayev və Vidadi Mahmudov; 63 saylı Quba və 65 saylı Qusar referendum dairələrində MSK üzvü Ənvər Əliyev, MSK Katibliyi Təşkilat şöbəsinin baş məsləhətçisi Əlibaxış Nəsirov; 50 saylı Ağstafa və 59 saylı Qazax referendum dairələrində MSK üzvü Tofiq Həsənov və MSK Katibliyi hüquq şöbəsinin məsləhətçisi Məsim Nəsibov; 60 saylı Qax-Zaqatala-Balakən referendum dairəsində MSK üzvü İlham Məmmədov və MSK Katibliyi təşkilat şöbəsinin böyük məsləhətçisi Qəzənfər Məmmədov; 96 saylı Cəlilabad şəhər və Cəlilabad kənd referendum dairələrində MSK üzvü Ramiz İbrahimov və MSK Katibliyinin beynəlxalq əlaqələr şöbəsinin məsləhətçisi Ramin Nurəliyev keçirmişlər.
Bölmənin digər xəbərləri
