Məryəm Ana kilsəsinin şpilinin tikintisi üçün müsabiqə keçiriləcək
Paris, 4 may, AZƏRTAC
Fransa hökuməti Məryəm Ana kilsəsinin şpilinin tikintisi ilə bağlı beynəlxalq arxitektura müsabiqəsi keçiriləcəyini bildirib.
Mədəniyyət naziri Frank Rister deyib ki, kilsənin şpilinin tikintisi ilə bağlı fransızların fikrini bilmək üçün geniş debat və məsləhətləşmə təşkil olunacaq.
AZƏRTAC xəbər verir ki, “YouGov”un keçirdiyi sorğuya görə, fransızların 54 faizi şpilin əvvəlki formada tikilməsini istəyir. Ancaq nazir Frank Rister ölkədə kilsələrin tikintisində yeniliklərə də yer verildiyini bildirib. Bununla belə o, kilsənin bərpasında fransızların fikri ilə razılaşacağını diqqətə çatdırıb. Məryəm Ana kilsəsinin yeni şpilinin əvvəlkindən fərqli olmasının mümkünlüyü istisna deyil.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
