MİLLİ MƏCLİSDƏ GÖRÜŞLƏR
İrqçilik və dözümsüzlük əleyhinə Avropa komissiyasının ölkəmizdə səfərdə olan nümayəndələri martın 28-də Milli Məclisin insan hüquqları və hüquq siyasəti və dövlət quruculuğu məsələləri daimi komissiyalarının üzrləri ilə görüşmüşlər.
Insan hüquqları daimi komissiyasının üzvləri ilə keçirilən birinci görüşdə komissiyanın sədri Sirus Təbrizli Azərbaycan parlamentinin insan hüquqlarının təmin edilməsi sahəsindəki fəaliyyəti barədə qonaqlara ətraflı məlumat verdi. Qanunvericilik orqanının əsas Avropa konvensiyalarını ratifikasiya etməsi, ombudsman təsisatının yaradılması ölkə rəhbərliyinin demokratiya prinsiplərlinə sədaqətinin sübutudur. Avropa komissiyasının nümayəndələrinə məlumat verildi ki, Milli Məclisin ünvanına gələn müraciətlər arasında dini və etnik zəmində heç bir şikayət yoxdur.
İrqçilik və dözümsüzlük əleyhinə Avropa komissiyasının Azərbaycan üzrə məruzəçisi, xanım Yeva Smit-Asmussen məlumata görə təşəkkür edərək dedi ki, onlar, əsasən, irqçiliyin, irqi ayrı-seçkiliyin, ksenofobiyanın və bunlarla bağlı dözümsüzlüyün müasir təzahür formalarına aid məsələlərlə məşğuldurlar. O, bildirdi ki, regiona səfərlərinin yekununa dair hesabat hazırlayacaqlar. Bu hesabat komissiyanın ümumi iclasının müzakirəsinə veriləcəkdir.
Sonra qonaqlar hüquq siyasəti və dövlət quruçuluğu məsələləri daimi komissiyasının üzvləri ilə görüşdülər. Komissiyanın üzvləri Fəttah Heydərov və Qulamhüseyn Əliyev ölkənin məhkəmə-hüquq sistemində aparılan islahatlar barədə danışdılar, Avropa komissiyası üzvlərini maraqlandıran suallara cavab verdilər.
Bölmənin digər xəbərləri
