MİSİR ƏRƏB RESPUBLİKASININ İSGƏNDƏRİYYƏ KİTABXANASININ DİREKTORU QAFQAZ UNİVERSİTETİNDƏ OLMUŞDUR
AZƏRTAC xəbər verir ki, iyunun 12-də Misir Ərəb Respublikası (MƏR) İsgəndəriyyə kitabxanasının direktoru doktor İsmayıl Serageldin Qafqaz Universitetində olmuşdur.
Görüşdə universitetin rektoru, professor Əhməd Saniç bu ali məktəbdə təhsilin inkişafı ilə bağlı həyata keçirilən tədbirlərdən, qazanılan nailiyyətlərdən danışmışdır.
Doktor İ.Serageldin öz ölkəsi ilə Azərbaycan arasındakı əlaqələrin əhəmiyyətini vurğulamışdır. Rəhbərlik etdiyi İsgəndəriyyə kitabxanasının maddi-texniki bazası, kitab fondu, xidmət imkanları barədə ətraflı məlumat verən qonaq burada informasiya texnologiyalarından da geniş və səmərəli istifadə olunduğunu diqqətə çatdırmışdır.
Kitabxananın beynəlxalq əlaqələrindən bəhs edən doktor İ.Serageldin bu elm məbədi ilə dünyanın 100-dən artıq ölkəsinin, o cümlədən Azərbaycanın tanınan kitabxanaları arasında əməkdaşlıq olduğunu bildirmişdir.
Sonra qonaq tədbir iştirakçılarını maraqlandıran suallara cavab vermişdir.
Görüşdə MƏR-in Azərbaycandakı səfiri Yusif Əhməd İbrahim əl-Şarkavi iştirak etmişdir.
######
 |
Bölmənin digər xəbərləri
