Musiqili Teatrın solisti Küveytdə alqışlarla qarşılanıb
Bakı, 23 may, AZƏRTAC
Azərbaycanın Küveytdəki səfirliyi və bu ölkənin Mədəniyyət, İncəsənət və Ədəbiyyat Milli Şurasının birgə təşkilatçılığı ilə paytaxt Əl-Küveytdə konsert proqramı təqdim olunub. Azərbaycan Xalq Cümhuriyyətinin yaranmasının100 illiyinə həsr edilən konsertdə Azərbaycan Dövlət Musiqili Teatrının solisti, gənc aktrisa Aydan Həsənova bir-birindən parlaq ifalarla çıxış edib.
Teatrın mətbuat xidmətindən AZƏRTAC-a bildirilib ki, Xalq Artisti, görkəmli pianoçu, professor Fərhad Bədəlbəylinin rəhbərlik etdiyi Ü.Hacıbəyli adına Bakı Musiqi Akademiyasının “Baku Chamber Orchestra” kollektivinin müşayiəti və Xalq Artisti Yalçın Adıgözəlovun dirijorluğu ilə gerçəkləşən konsertdə A.Həsənova Niyazinin “Arzu”, Tofiq Quliyevin “Əziz dost” mahnılarını səsləndirib.
Qeyd edək ki, gənc solist beynəlxalq müsabiqə və festivallarda dəfələrlə uğurla çıxış edib.
Bölmənin digər xəbərləri
