MÜŞTƏRƏK ŞİRKƏTLƏR 2002-Cİ İLDƏKİNDƏN ÇOX QAZ HASİL ETMİŞLƏR
ARDNŞ-dən AZƏRTAC-ın müxbirinə bildirmişlər ki, “Salyan oyl” əməliyyat şirkətinin hasil etdiyi qazın həcmi yüksək sürətlə armtaqdadır . Bu şirkət ötən illə müqayisədə 25 faiz çox “mavi yanacaq” hasil etmişdir. Digər şirkət- “Şirvan oyl” da fərqlənmişdir. Burada ötən ilin 7 ayı ilə müqayisədə 17 faiz çox qaz çıxarılmışdır. Belə uğurlar qazanılmasına neft-qaz hasilatını intensivləşdirmək üçün həyata keçirilən proqram kömək etmişdir. Şirkət öz fəaliyyətini köhnə yataqların bərpasına və istismarında müasir üsulların tətbiqinə yönəldir. Burada elmi tədqiqat qrupu da fəaliyyət göstərir. Onun tərkibinə çıxarılmamış qalan karbohidrogen ehtiyatlarının hasilatı üzrə ən yeni texnologiyaların axtarışı və əməli tətbiqi problemi üzərində işləyən xarici mütəxəssislər də daxildirlər.
Bölmənin digər xəbərləri
