Mütəxəssis: Düzgün qidalanma rejimi keyfiyyətli yuxunun təmin olunmasında mühüm rol oynayır
Bakı, 2 iyun, AZƏRTAC
Bəzi insanlar nə qədər yorğun olsalar da, yuxuya getməkdə çətinlik çəkirlər. Yuxusuzluğun yaranmasında müxtəlif amillər rol oynasa da, ən çox rast gəlinən səbəblərdən biri həddindən artıq stresdir.
AZƏRTAC xəbər verir ki, Azərbaycan Qida Təhlükəsizliyi İnstitutunun eksperti Tutu Zeynalovanın sözlərinə görə, düzgün qidalanma rejimi keyfiyyətli yuxunun təmin olunmasında mühüm rol oynayır.
Onun fikrincə, axşam saatlarında bir fincan çobanyastığı çayı içmək yuxuya getməyi asanlaşdıra bilər. Bu zaman bir neçə ədəd qoz və ya badam yemək də faydalıdır. Bu qidalar orqanizmdə yuxu hormonu hesab edilən melatonini stimullaşdırmağa dəstək olur.
Mütəxəssis vurğulayıb ki, yatmazdan ən azı 4 saat əvvəl kofeinli içkilərdən və ağır qidalardan uzaq durmaq lazımdır. Bu qaydaya əməl etmək daha rahat və keyfiyyətli yuxuya şərait yarada bilər.
Bu barədə daha ətraflı link vasitəsilə tanış ola bilərsiniz.
Bölmənin digər xəbərləri
