MUZEY MƏRKƏZİNDƏ SƏUDİYYƏ ƏRƏBİSTANI MİLLİ MƏDƏNİYYƏT NÜMUNƏLƏRİNİN SƏRGİSİ AÇILMIŞDIR
AZƏRTAC xəbər verir ki, iyunun 18-də Muzey Mərkəzində Səudiyyə Ərəbistanının mədəniyyət günləri çərçivəsində bu ölkənin ənənəvi mədəniyyəti nümunələrinin sərgisi açılmışdır.
Sərginin girişində xalq mahnıları və rəqslər ifa olunmuş, sərgi iştirakçılarına suvenirlər, şirniyyat paylanmışdır.
Mədəniyyət və turizm naziri Əbülfəs Qarayev sərgini açaraq demişdir ki, Səudiyyə Ərəbistanının uğurla keçən mədəniyyət günləri ilk müjdədir. Gələcəkdə Azərbaycanda Mərakeş mədəniyyəti günlərinin keçirilməsi planlaşdırılır. Ə.Qarayev demişdir: “Uzun müddət bir-birimizdən uzaq olduğumuzu, indi isə sanki yenidən yaxınlaşdığımızı, İslam ölkələrinin mədəniyyəti ilə yenidən tanış olduğumuzu nəzərə alsaq, bu, çox yaxşıdır”.
Sərginin ekspozisiyasına milli geyimlər, bəzək əşyaları, fotoşəkillər daxildir. Təşkilatçılar müasir təsviri sənətin müxtəlif istiqamətlərində 30-a yaxın rəssamın rəsmlərini təqdim etmişlər.
Bölmənin digər xəbərləri
