NATO BAŞ KATİBİNİN SABİQ MÜAVİNİ İTKİN DÜŞMÜŞDÜR
İstintaq müəyyən etmişdir ki, 72 yaşlı Merrill iyunun 10-da gündüz ABŞ-ın Merilənd ştatı sahilində öz yelkənli yaxtasında tək-tənha okeana çıxmışdır. Şənbə günü axşam boş yaxta ştatın yaxınlığında, Çesapik körfəzində aşkar edilmişdir. Yaxtanın mühərriki hələ də işləyirdi.
Polisin ehtimalına görə, Merrill təsadüfən qayıqdan yıxıla bilər.
Merrill 1990-92-ci illərdə NATO baş katibinin müavini olmuşdur. Bundan əvvəl təxminən 10 il ABŞ Müdafiə Nazirliyinin rəhbərliyində müşavir işləmişdir. O, müxtəlif vaxtlarda hökumətdə müxtəlif vəzifələrdə çalışmışdır. Merril dövlət qulluğundan getdikdən sonra “Capital-Gazette Communications” nəşriyyat qrupuna başçılıq etmişdir. 2002-ci ildən ABŞ hökumətinin strukturuna daxil olan İxrac-İdxal Bankının prezidenti və idarə heyətinin sədri işləmişdir. Onu bu vəzifəyə vitse-prezident Dik Çeyni təyin etmişdi.
Bölmənin digər xəbərləri
