“NƏ ÜÇÜN PİSLİKLƏR YAXŞI İNSANLARIN BAŞINA GƏLİR?”
Hələ bu ilin mayında həmin cəmiyyətin ilk filmi – qısametrajlı “Həyatın duzu” filmi ekranlara buraxılmışdı. Bu filmdə də “həyat” və “ölüm”, Allah-Təalanın dərk olunması və Onun mənəvi əsaslarına əməl edilməsi kimi ümumbəşəri anlayışlara toxunulurdu.
Budur, bizi həmin yaradıcı kollektivin daha bir ekran əsəri ilə görüş gözləyir. Kinematoqrafçılar İttifaqında onun yaradıcıları ilə görüş keçirilmişdir.
Fəlsəfi hekayət janrında çəkilmiş filmin qəhrəmanı – çox mötəbər və zəngin insan olan Davud həyat burulğanında mənəviyyat axtarır, insanların əməlləri ilə onların başına gələn qəfil bəlalar arasında səbəb-nəticə əlaqələrini anlamağa çalışır. O, Allah-Təaladan gileylənmək lazımdır, yoxsa, həyatımızda “qara zolaqların” yaranmasında özümüz müqəssirik? suallarına cavab tapmaq istəyir.
Filmin quruluşçu rejissoru tanınmış rejissor Gülbəniz Əzimzadə, prodüseri və ssenari müəllifi isə Tamerlan Şalbarovdur. Filmdə, demək olar, bütün rolları həvəskar aktyorlar ifa edirlər.
Bölmənin digər xəbərləri
