NEFTÇALADA 15 MİN HEKTAR SAHƏNİN ARPASI BİÇİLMİŞDİR
AZƏRTAC xəbər verir ki, Neftçalada mövsümün əvvəlindən indiyədək 15 min hektar sahənin arpası biçilmiş, 40 min tona yaxın məhsul yığılmışdır.
Bundan sonra daha 19 min hektar arpa sahəsinin məhsulu biçiləcəkdir. Rayonda hər gün zəmilərə 70-dək kombayn, 100-dək yükünü özüboşaldan maşın və qoşqulu traktor çıxarılır. 2 mexanikləşdirilmiş texniki xidmət dəstəsi taxıl yığımı ilə əlaqədar səfərbər olunmuşdur. Rayon icra hakimiyyətində qaynar xətt yaradılmışdır. Biçinlə bağlı zəruri məsələlər dərhal nəzarətə götürülür və dərhal həll edilir.
Bu mövsümdə 8.500 hektar buğda zəmisinin məhsulu da biçilib döyülməlidir. Mütəxəssislərin məlumatına gorə, əsasən “Nurlu”, “Bərəkətli” və “Əzəmətli” növlərinin yetişdirildiyi taxıl sahələrinin hər hektarından azı 33-34 sentner məhsul götürüləcəkdir. Əhalinin taxıla tələbatı yerli istehsal hesabına ödənməklə yanaşı, dövlətə də xeyli məhsul satılacaqdır.
Eyni zamanda, təkrar istehsal uçun 6 min ton elit toxum fondu ayrılması da nəzərdə tutulur. Xırmanlarda 20-dən çox taxılsovuran və təmizləyən texniki vasitə çəmlənmişdir.
Bölmənin digər xəbərləri
