OMBUDSMAN APARATINDA EKSPERTLƏR ŞURASININ TOPLANTISI KEÇİRİLMİŞDİR

27.07.2003 [02:48]
Çap et
A⁺ A^-

Bu günlərdə Ombudsman Aparatında Ekspertlər Şurasının növbəti toplantısı keçirilmişdir. Toplantıda dövlət və qeyri-hökumət təşkilatlarının ekspertləri iştirak etmişlər. Onların təklifi ilə QHT-lərin qeydiyyatı məsələsi gündəliyə çıxarılmışdır.

Ombudsman çıxısında bildirmişdir ki, QHT-lərin qeydiyyatı haqqında qanun layihəsinin ikinci oxunuşu keçirilmiş və Mılli Məclisin payız sessiyasında bu qanunun qəbul edilməsi nəzərdə tutulmuşdur.

Ekspertlər Şurasının üzvü A.Kərimov QHT-lərin qeydiyyatı haqqında qanun layihəsi barədə ətraflı məlumat vermişdir. O, qeyd etmişdir ki, “Hüquqi şəxslərin dövlət qeydiyyatı haqqında” Azərbaycan Respublikası Qanununun layihəsi yenidən “Hüquqi şəxslərin dövlət qeydiyyatı və reyestri” haqqında Azərbaycan Respublikası Qanunu layihəsi adı ilə Milli Məclisin müzakirəsinə çıxarılmışdır. Məruzəçinin fikrincə, qeydiyyat prosesi sadələşdirilməli, süründürməçiliyə yol verilmədən aparılmalıdır.

Çıxışlardan sonra iştirakçılar fikir mübadiləsi etmiş və qanun layihəsinə dair təkliflər vermişlər.

Ekspertlər Şurası bu təkliflərin parlamentə təqdim olunmasını qərara almışdır.