OMBUDSMANLARIN BEYNƏLXALQ KONFRANSINDA BAKI BƏYANNAMƏSİ QƏBUL EDİLMİŞDİR
AZƏRTAC xəbər verir ki, iyunun 19-da BMT-nin İnsan Hüquqları Bəyannaməsinin 60 illiyi və Azərbaycanda İnsan hüquqları günü münasibətilə ombudsmanların “Qloballaşan dünyada insan hüquqları” mövzusunda VI Bakı beynəlxalq konfransı başa çatmışdır.
Konfransda Bakı bəyannaməsi qəbul edilmişdir.
Bəyannamədə insan hüquqlarının səmərəli müdafiəsi məqsədi ilə parlament və digər müvafiq qurumlarla, o cümlədən qeyri-hökumət təşkilatları ilə əməkdaşlığın inkişaf etdirilməsi, universal və regional beynəlxalq təşkilatlarla, həmçinin milli insan hüquqları təsisatları ilə birgə layihələrin həyata keçirilməsi, əhalinin müxtəlif kateqoriyalarının, xüsusilə zəif qrupların hüquqlarının müdafiəsi, insan hüquqları sahəsində təhsilin inkişaf etdirilməsi, ana və uşaq ölümünün qarşısının alınması, gender bərabərliyinin təmin olunması, insan alveri, korrupsiya və digər bu kimi problemlərin həlli məsələləri əks olunmuşdur.
Bölmənin digər xəbərləri
