OPEC qarşıdakı iki il üçün neftə tələbatla bağlı proqnozlarını dəyişməyib
Bakı, 16 iyul, AZƏRTAC
Neft İxrac Edən Ölkələr Təşkilatı (OPEC) 2025-2026-cı illərdə qlobal neft tələbatının artımı ilə bağlı əvvəlki proqnozlarını, həmçinin qlobal iqtisadiyyatla bağlı təxminlərini sabit saxladığını açıqlayıb.
AZƏRTAC təşkilatın məlumatına istinadla xəbər verir ki, aylıq neft bazarı hesabatında OPEC hər iki ildə illik 1,3 milyon barel artım olacağını təxmin edib. Bu rəqəm ötən ayın proqnozu ilə müqayisədə dəyişməyib.
OPEC əlavə edib ki, İqtisadi Əməkdaşlıq və İnkişaf Təşkilatı (OECD) neftə olan tələbin 2025-ci ildə təqribən 100 min barel artacağı proqnozlaşdırılır, qeyri-OECD tələbatının isə 2025-ci ildə təxminən 1,2 milyon barel çox olacağı bildirilir.
“2025-ci ildə dünya neft tələbinin daşınma yanacaqlarına olan tələblər əsasında davam edəcəyi gözlənilir”, - deyə OPEC-in hesabatında bildirilir.
Qlobal iqtisadi artımla bağlı proqnozuna gəlincə, OPEC dünya iqtisadiyyatının 2025-ci ilin birinci yarısında müşahidə edilən sağlam artımla dəstəklənən sabit yüksəliş trayektoriyasını qoruduğunu bildirib. O, qlobal iqtisadiyyatın 2025-ci ildə 2,9 faiz, 2026-cı ildə isə 3,1 faiz artmağa davam edəcəyini proqnozlaşdırır.
Bölmənin digər xəbərləri
