ÖTƏN 5 AYDA 757 MİN TONDAN ÇOX NEFT HASİL EDİLMİŞDİR
AZƏRTAC xəbər verir ki, mayda Azərbaycan Respublikası Dövlət Neft Şirkəti 757,4 min ton neft hasil etmişdir ki, bu da nəzərdə tutulandan 10 min ton çoxdur. Proqnoz 101,3 faiz yerinə yetirilmişdir. İlin əvvəlindən isə 3 milyon 717,4 min ton neft hasil edilmişdir (proqnozdan əlavə 77 min 700 ton). May ayında dövlətə 750,5 min ton (proqnozdan əlavə 9 min 600 ton), ötən 5 ay ərzində isə 3 milyon 673,1 min ton neft (proqnozdan əlavə 65 min 100 ton) təhvil verilmişdir.
''Azneft'' İB-də 5 aylıq hasilat 3 milyon 275,6 min ton təşkil etmişdir ki, bu da nəzərdə tutulandan 69 min 800 ton (102,2 faiz) çoxdur. Həmin müddətdə dövlətə 3 milyon 246,9 min ton (nəzərdə tutulandan əlavə 69 min 400 ton) neft təhvil verilmişdir.
Birgə müəssisələr ilin əvvəlindən dövlətə 426 min 200 ton neft təhvil verərək planı 99 faiz yerinə yetirmişlər.
Bölmənin digər xəbərləri
