PRAQA BAHARI DÖVRÜNƏ AİD RADİOYAZI TAPILMIŞDIR
AZƏRTAC xəbər verir ki, tarixçilər keçmiş Çexoslovakiya üçün əlamətdar 1968-ci ildən bu vaxtadək məlum olmayan radioyazı aşkar etmişlər. Həmin yazını 40 il ərzində Çexoslovakiyanın STB təhlükəsizlik xidmətinin işçilərindən başqa heç kəs eşitməmişdir.
Tapıntıya “Radioxəbərlər” adı altında məşhur olan xəbərlərin əsas buraxılışlarının onlarca radioyazı lenti daxildir. Onların hələlik şifri açılmayıb - radio mütəxəssisləri yazıları lap bu yaxınlarda rəqəmli formata keçirməyə başlamışlar.
Bununla belə, bəzi fraqmentlər, şübhəsiz, 1968-ci ilin avqust ayından oktyabr ayının əvvəlinədək olan çətin dövrə aiddir.
Radio işçilərinin fikrincə, STB lentləri məqsədyönlü seçirdi, belə material reportyorların təqib edilməsi vasitəsi kimi münasib idi.
“Lidove Noviny” qəzeti yazır ki, ictimaiyyət arxivdə aşkar edilmiş materiallarla iyunun 20-də Totalitar Rejimlərin Tədqiqi İnstitutunun keçirdiyi mətbuat konfransında tanış olacaqdır.
Bölmənin digər xəbərləri
