Azərbaycan Dövlət İnformasiya Agentliyi

RƏSMİ XRONİKA

Prezident İlham Əliyev “Bilik Günü”ndə Bakının Yasamal rayonunda yenidənqurmadan sonra 18 nömrəli məktəbin açılışında iştirak etmişdir

Bakı, 15 sentyabr (AZƏRTAC). Sentyabrın 15-də ölkəmizdə yeni dərs ili başlamışdır. “Bilik Günü”ndə orta və ali məktəblər qapılarını şagirdlərin, tələbələrin üzünə açmışdır. Bu il bir çox yeni məktəblər və yenidən qurulmuş, əsaslı təmir olunmuş təhsil ocaqları istifadəyə verilmişdir. Belə məktəblərdən biri də Bakının Yasamal rayonunda tamamilə yenidən qurulmuş Mikayıl Müşfiq adına 18 nömrəli məktəbdir.

“Bilik Günü” bu məktəbin müəllim-şagird kollektivi üçün ikiqat əlamətdar olmuşdur.

Azərbaycan Respublikasının Prezidenti İlham Əliyev sentyabrın 15-də məktəbin açılışında iştirak etmişdir.

Məktəbin pedaqoji kollektivi, şagirdlər və valideynlər dövlətimizin başçısını hərarətlə qarşıladılar.

Yeni dərs ili münasibətilə şagirdləri və müəllimləri təbrik edən Prezident İlham ƏLİYEV dedi:

-Sabahınız xeyir olsun. Mən sizi ürəkdən salamlayıram, yeni dərs ili münasibətilə təbrik edirəm.

Yeni dərs ilində siz təmir edilmiş məktəbdə oxuyacaqsınız. Məktəbin böyük tarixi vardır. Ancaq bildiyiniz kimi, məktəbin vəziyyəti o qədər də yaxşı deyildi, təmirə ehtiyac var idi. Göstəriş verildi ki, təmir ən yüksək səviyyədə aparılsın. Bu məktəb artıq həm xarici görünüşü, həm daxili dizayn baxımından şəhərimizin ən gözəl məktəblərindən biridir. Bütün şərait yaradılıb, indi mən gedib tanış olacağam. Məktəbdə gedən təmir-tikinti işləri ilə bağlı mənə mütəmadi qaydada məlumat verilmişdir.

Mən çox şadam ki, Bakıda yeni gözəl məktəb artıq qapılarını şagirdlərin üzünə açır. Burada həm oxumaq, həm də işləmək üçün yaxşı şərait vardır, valideynlər də razı olacaqlar. Bir sözlə, biz çalışırıq ki, şəhərimizin və ölkəmizin bütün məktəbləri bu səviyyədə olsun. Son illərdə buna nail ola bilmişik. Çünki təkcə keçən il Bakı şəhərində 60-dan çox məktəb əsaslı təmir edilmişdir. Bu il isə 81 məktəb təmir edilir, yeni korpuslar, yeni məktəblər tikilir və gələn ilin sonuna qədər Bakı şəhərinin məktəb problemləri yüz faiz həll olunacaqdır. Gələn il 120 məktəbin əsaslı təmiri nəzərdə tutulur. Beləliklə, Bakıda bir dənə də olsun yararsız, təmirsiz, qəzalı vəziyyətdə məktəb olmayacaqdır.

Bu, doğrudan da böyük nailiyyətdir. Çünki Bakının məktəblərinin tam əksəriyyəti uzun illər bundan əvvəl tikilmişdir və təmirə ehtiyac var idi. Biz bütün məktəbləri gözəl vəziyyətə gətirib çıxarırıq.

Bununla bərabər, bütün başqa bölgələrdə məktəb tikintisi gedir. Son illər ərzində 2200-dən çox məktəb binası tikilmiş və təmir edilmişdir. Bu proses davam edir və gələn ilin sonuna qədər çalışacağıq ki, bütün bölgələrdə əksər məktəblər təmir edilsin.

Beləliklə, biz məktəb infrastrukturunun yenidən qurulması proqramını uğurla başa çatdıracağıq. Qaldı ki, məktəblərdə təhsilin səviyyəsinin yüksək olmasına, bu da müəllimlərdən asılıdır. Uşaqlar da yaxşı oxumalıdır. Müəllimlər də öz vəzifə borcunu şərəflə yerinə yetirməlidir ki, Azərbaycan cəmiyyəti üçün gözəl, yeni, peşəkar, bilikli kadrlar yetişsin. Uşaqlarımız bilikli, savadlı olmalıdır. Çünki müasir dünyada hər bir insanın və hər bir ölkənin uğurunu şərtləndirən biliyin səviyyəsidir. İndi biz XXI əsrdə yaşayırıq. XXI əsr yüksək texnologiyalar əsridir. Bu əsrdə hansı ölkə biliyə, savada, yeniliyə daha meyillidirsə, o ölkə öz maraqlarını təmin edəcəkdir. Çünki müasir texnologiyalar elə inkişaf edibdir ki, bəlkə də on il, iyirmi il bundan əvvəl bunu təsəvvür etmək mümkün deyildi.

Biz də inkişaf yolunu seçmişik. Biz bütün sahələrdə inkişafdayıq, o cümlədən texnologiyalar sahəsində də inkişafda olmalıyıq. Cəmiyyətin gücünü müəyyən edən insanlardır. Əlbəttə, hər bir ölkənin öz təbii resursları, öz coğrafi üstünlükləri vardır. Ancaq nəticə etibarilə hər şey insanlardan asılıdır. Sənin neftin də, qazın da çox ola bilər, əgər peşəkar insanların, kadrların yoxdursa bunun heç bir əhəmiyyəti olmayacaqdır. Ona görə, müasir dünyada həm özünə yer tapmaq, həm ölkəyə fayda gətirmək üçün mütləq uşaqlar yaxşı oxumalıdır. Bu sözləri uşaqlar yəqin ki, tez-tez eşidirlər. Bu da təbiidir. Amma doğrudan da bu sözlərin çox böyük mənası vardır. Yaxşı oxumaq o deməkdir ki, siz həyatda istədiyinizə nail ola bilərsiniz. İndi Azərbaycanda vəziyyət elədir ki, hər bir insanın uğuru onun əlindədir. Azərbaycanda azadlıq, sərbəstlik var, bazar iqtisadiyyatı prinsipləri hökm sürür və hər bir insanın taleyi onun öz əlindədir. Ona görə, yaxşı bilik almaq ilk növbədə sizin üçün lazımdır, eyni zamanda, xalq üçün, dövlət üçün lazımdır. Azərbaycan gəncləri gələcəkdə ölkəmizi idarə edəcəklər. Gələcəkdə ölkəmizin inkişafı sizdən asılı olacaqdır. Ona görə ilk növbədə bilik, bununla bərabər, Vətənə olan bağlılıq, Vətən sevgisi mütləq yüksək səviyyədə olmalıdır. Ümid edirəm ki, bizim bütün məktəblərdə vətənpərvərlik mövzusu daim gündəlikdədir. Vətənə bağlılıq, sevgi, peşəkarlıq və yüksək biliyə malik olmaq - bunlar ölkəmizi qabağa aparacaqdır.

Biz isə çalışacağıq ki, gənclərimiz üçün daha da gözəl şərait yaradaq, gəncləri qabağa çəkək. Gənclər cəmiyyətimizin fəal üzvləridir. Gənclər sərhədlərimizi qoruyur, gənclər idman arenalarında qələbələrimizi müəyyən edir və gənclər bizim gələcəyimizdir. Belə gözəl məktəbdə ancaq və ancaq yaxşı oxumaq lazımdır. Müəllimlər üçün də burada yaxşı şərait yaradılıb. Müəllimlər o insanlardır ki, cəmiyyətimiz üçün gənc kadrları yetişdirirlər. Müəllimlərin cəmiyyətimiz üçün çox böyük məsuliyyəti, çox böyük faydası vardır. Müəllim peşəsi çox şərəfli peşədir. Hər bir uşağa ilk növbədə məktəbdə qayğı göstərən, onu düz yola istiqamətləndirən müəllimdir. Müəllim valideynlə eyni məsuliyyət daşıyır. Bu fürsətdən istifadə edərək yeni dərs ili münasibətilə bütün müəllimləri buradan salamlayıram, onlara yeni uğurlar, cansağlığı arzulayıram.

Sizi bir daha ürəkdən təbrik edirəm, sizə xoşbəxtlik arzulayıram.

X X X

Məktəbin direktoru Vaqif HÜSEYNLİ bu təhsil ocağının binasının tamamilə yenidən qurulmasına görə dövlətimizin başçısına minnətdarlığını bildirərək dedi:

-Cənab Prezident, icazə verin, mən kollektivimiz adından - Mikayıl Müşfiq adına 18 nömrəli məktəbin şagird və müəllimlərinin adından Sizə “Xoş gəlmisiniz!” deyim.

Sizin Sərəncamınızla məktəbimiz yenidən qurulub. Bizim əsas binamızda altıncı mərtəbə, üzbəüzdə çox möhtəşəm, çox gözəl idman zalı tikilib. Məktəbimizin maddi-texniki bazası möhkəmlənib, siniflərin sayı artıb, müasir texnologiya ilə təchiz olunmuş yeni kabinet və laboratoriyalar yaradılıb. Ən əsası odur ki, bizim uzun illər gözlədiyimiz akt zalımız vardır. Bizim yeni yeməkxanamız vardır. Bizim böyük oxu zalı olan kitabxanamız vardır. Bütün bunlara görə biz Sizə çox minnətdarıq.

Cənab Prezident, biz Sizin təhsilə olan qayğınızı həmişə hiss edirik. Siz çıxışınızda regionlarda, Bakıda tikilən yeni məktəblərin sayını qeyd etdiniz. Bu, Sizin titanik zəhmətinizin bəhrəsidir.

Biz Heydər Əliyev Fondunun prezidenti Mehriban xanım Əliyevaya da təşəkkürümüzü bildiririk. Biz Sizə bir daha təşəkkür edirik.

Mən bir məqamı qeyd etmək istəyirəm. 1997-ci il sentyabrın 1-i bizim məktəbimizin tarixində çox əlamətdar bir gündür. Ulu öndərimiz Heydər Əliyev həmin gün bizim məktəbimizə gəlmişdi. Ulu öndər çox geniş çıxış etdi və atributlarla əlaqədar bizim respublika müəllimlərinin hamısına böyük tövsiyələr verdi. Biz ötən illər ərzində ulu öndərimizin tövsiyələrini nəzərə almışdıq. Sizin bugünkü tövsiyələrinizi də nəzərə alacağıq. Biz çalışacağıq ki, etimadınızı işimizlə doğruldaq.

Cənab Prezident, kollektivimiz işgüzar, istedadlı kollektivdir. Mən onu demək istəyirəm ki, məktəbimizin texniki təchizatı çox yüksək səviyyədədir. İndi məktəbimizdə 110 kompyuter, 8 noutbuk, 15 “ağıllı lövhə”, 15 kompyuter lövhəsi vardır. Biz tədris prosesində bu texniki vasitələrdən geniş istifadə edəcəyik.

Biz Sizə çox minnətdarıq. Biz Sizin xarici və daxili siyasətinizi ürəkdən bəyənirik.

Biz Sizə bir daha minnətdarlığımızı bildiririk. Biz Sizinləyik. Sağ olun!

X X X

Sonra xatirə şəkli çəkdirildi.

X X X

Məktəbdə yaradılmış şəraitlə tanışlıq zamanı dövlətimizin başçısına məlumat verildi ki, bu bina 1966-cı ildə inşa olunmuşdur. O vaxtdan bəri burada bu cür genişmiqyaslı yenidənqurma işləri aparılmamışdır. Prezident İlham Əliyevin Sərəncamına əsasən məktəbdə 2012-ci ildə həyata keçirilən yenidənqurma işləri zamanı əlavə üçmərtəbəli yeni korpus inşa olunmuşdur. Burada müasir qurğularla təchiz edilmiş idman zalı yaradılmışdır. Bundan başqa, beşmərtəbəli əsas korpusa daha bir mərtəbə əlavə olunmuşdur. Binanın 6-cı mərtəbəsində 168 yerlik akt zalı, yeməkxana, kitabxana, müasir oxu zalı istifadəyə verilmişdir.

Məktəbdəki Heydər Əliyev muzeyində ulu öndərin həyatı və siyasi fəaliyyəti ilə bağlı müxtəlif kitab, sənəd və fotolar toplanmışdır. Muzeydə ümummilli liderin 1997-ci ildə məktəbdə keçirilən “Bilik Günü”nə həsr olunan tədbirdə iştirakı zamanı çəkilən fotolar da böyük maraq doğurur.

Sinif otaqları ilə tanışlıq zamanı Prezident İlham Əliyevin diqqətinə çatdırıldı ki, məktəbdə 59 otaq, o cümlədən 41 sinif otağı vardır. Burada, həmçinin müasir tələblərə cavab verən linqafon, informatika, fizika, kimya, biologiya, təsviri incəsənət, Azərbaycan, rus, alman dilləri kabinetləri fəaliyyət göstərir. Elektron və smart lövhələrin quraşdırıldığı sinif otaqlarının hamısı tədrisin yüksək şəraitdə keçirilməsinə geniş imkanlar verir.

Məktəbin müəllimlər otağı ilə tanışlıq zamanı bildirildi ki, buradan Bakının istənilən başqa məktəbi ilə videokonfrans keçirmək mümkündür.

Dövlətimizin başçısının iştirakı ilə müəllimlər otağından paytaxtın 6 nömrəli məktəbi ilə videokonfrans oldu.

Təhsilin inkişafına göstərdiyi diqqət və qayğıya görə dövlətimizin başçısına minnətdarlığını bildirən 6 nömrəli məktəbin direktoru Gülşən ORUCOVA dedi:

-Salam cənab Prezident, Sizi doğma məktəbiniz adından salamlayırıq. Sizin bu gün göstərdiyiniz bu diqqətə və qayğıya görə minnətdarlığımızı bildirmək istəyirik. Ötən tədris ilində bu etimadınızı doğruldaraq biz də fərqlənməyə çalışmışıq. Hesab edirəm ki, yeni ildə də ən yüksək göstəricilərlə bir daha Sizi sevindirəcəyik. Sizə böyük uğurlar arzulayırıq.

Prezident İlham ƏLİYEV: Sağ olun. Sizi salamlayıram. Bütün şagirdlərə mənim salamlarımı çatdırın. Keçən il sizinlə görüşmüşdük, 6 nömrəli məktəbin yenidənqurmadan, əslində yenidən tikilməsindən sonra açılışını bir yerdə qeyd etmişik. Bu gün buradayam. Hər il yeni məktəblər tikilir, təmir edilir. Ancaq 2013-cü ildən sonra artıq bu proqram başa çatır. Çünki ondan sonra Bakı şəhərində bir dənə də olsun təmirsiz məktəb qalmayacaqdır.

Gülşən ORUCOVA: Bütün təhsil işçiləri adından Sizə təşəkkürümüzü bildiririk. Çox sağ olun, cənab Prezident.

Prezident İlham ƏLİYEV: Sağ olun.

Məktəbdə yeni yaradılan yeməkxana da müasir tələblərə cavab verir. Burada şagirdlərin normal qidalanmaları üçün hərtərəfli şərait vardır. Bu il məktəbin birinci sinfində 230 şagird təhsil alacaqdır. Bu tədris ocağında 1700 şagirdin təlim-tərbiyəsi ilə 157 müəllim məşğul olur.

Məktəbdə yaradılan biologiya kabinetində Azərbaycanda ilk dəfə 3D stereo görüntü texnologiyaları əsasında lövhə quraşdırılmışdır. Bu da tədrisi müasir səviyyədə aparmağa imkan verir.

Prezident İlham Əliyev yeni inşa olunan korpusda yaradılan idman zalı ilə də tanış oldu. Burada şagirdlər idmanın mini-futbol, voleybol, basketbol növləri ilə məşğul ola biləcəklər.

Məktəblə yaradılan şəraitlə tanış olan dövlətimizin başçısı görülən işlərdən razılığını bildirdi.

Sonra Prezident İlham Əliyev məktəbin yaxınlığında yerləşən və bu il istifadəyə verilən “Cüdo-2012” idman kompleksi ilə tanış oldu. Burada 30 yaşından yuxarı idmançılar məşq edirlər. Kompleksdə hər cür şərait yaradılmışdır. Üç mərtəbədən ibarət binada üç məşq zalı fəaliyyət göstərir. Hazırda burada 500-ə yaxın idmançı cüdo ilə məşğul olur.

Xəbəri sosial şəbəkələrdə paylaşın

Bizi sosial şəbəkələrdə izləyin

Kosovonun şimalında Serbiya bankının filialları bağlanıb

Vatikan Papa Fransiskin builki xarici səfərlərinin cədvəlini açıqlayıb

İtaliyada zəlzələ baş verib

Bayden: BCM prokurorunun İsrail liderlərinə qarşı həbs orderi tələbi təhqiredicidir

Ədliyyə naziri Tovuzda vətəndaşları qəbul edib

Bakıda Milli Metrologiya Forumu keçirilib

Azərbaycanın paytaxtında Tacikistan Mədəniyyəti Günləri keçirilir

Rəcəb Tayyib Ərdoğan: Türkiyə Azərbaycanın mövqeyini dəstəkləyib və dəstəkləyir

Azərbaycanla Tacikistan arasında əməkdaşlıq imkanları müzakirə edilib

İran Prezidentinin vəfatı ilə əlaqədar Türkiyədə matəm elan edilib

Rəcəb Tayyib Ərdoğan İran Prezidentinin vəzifəsini icra edən Məhəmməd Moxberlə telefonla danışıb

ABŞ İran Prezidenti İbrahim Rəisinin ölümü ilə əlaqədar başsağlığı verib

Masallıda qətldə şübhəli bilinən şəxs saxlanılıb

COP29 Sədrliyinin nümayəndələri ilə görüş keçirilib

Tacikistan Rəssamlar İttifaqının sədri: İncəsənət xadimləri xalqlarımızın dostluğuna töhfə verməyə çalışırlar

Bakıda “Tacik Kinosu Günləri”nin açılış mərasimi olub

Prezidentin Mətbuat Xidmətinin məlumatı

Dövlət Komitəsinin illik məlumatı Milli Məclisin plenar iclasına tövsiyə olunub

Qara Qarayev adına VI Respublika elmi-ifaçılıq müsabiqəsi başa çatıb

Hidayət Heydərov dünya çempionatının qalibi olub VİDEO

Azərbaycan və Gürcüstan XİN-ləri arasında siyasi məsləhətləşmələr aparılıb

Bakıda TDT çərçivəsində Azərbaycan-Türkiyə münasibətlərinə həsr edilmiş tədbir təşkil olunub

Naxçıvanda “Azərbaycanda ətraf mühitin qorunmasında Ümummilli Lider Heydər Əliyevin rolu” mövzusunda konfrans keçirilib

BMT-nin Baş katibi İran Prezidenti İbrahim Rəisinin ölümü ilə əlaqədar başsağlığı verib

Malayziyada Ulu Öndər Heydər Əliyevə həsr olunan şahmat turniri təşkil edilib

Latviya Seyminin sədri: Azərbaycan-Ermənistan sülh danışıqlarının uğurla yekunlaşacağına inanırıq

“Qarabağın rəngləri” layihəsinin qala gecəsi təşkil olunub

Naxçıvanda bodibildinq üzrə muxtar respublika birinciliyi keçirilib

BP ibtidai siniflərin inklüziv tədris bacarıqlarının inkişafına dəstək olub

Avropa çempionatı: Azərbaycanın daha bir güləşçisi finala yüksəlib

Naxçıvanın şəhərdaxili magistral kanalizasiya xətləri təmizlənib

Bakıda “Azərbaycanım” Beynəlxalq VII Uşaq və Gənc Rəsm Festivalı keçiriləcək

Dayqa Mierina: Latviya şirkətləri də Qarabağda bərpa işlərində iştirak edə bilərlər

Şəkidə təsərrüfatların 98 faizinin genişzolaqlı internetə çıxışı təmin edilib

AQTİ-də keytrinq şirkətlərinin və otellərin əməkdaşları üçün COP29 tədbiri ilə bağlı təlim keçirilib

Qobustan rayonunda Beynəlxalq Biomüxtəliflik Gününə həsr olunmuş tədbir keçirilib

® “Baku Steel Company” Tacikistanın dövlət qurumu ilə Anlaşma Memorandumu imzalayıb

Qabiliyyət imtahanlarında iştirak etmək istəyən bakalavrların nəzərinə

Avropa çempionatı: Azərbaycan güləşçisi finala yüksəlib

ABŞ və Kanadanın Buxara Yəhudiləri Konqresinin üzvləri Quba Soyqırımı Memorial Kompleksini ziyarət ediblər

Suriyadan Azərbaycana qaytarılmış daha 8 vətəndaşımızla bağlı sosial reabilitasiya tədbirlərinə başlanılıb

“ASAN xidmət”in “StartapFest Naxçıvan” tədbirinə başlanılıb

Qafqaz Müsəlmanları İdarəsinin sədri İranın Ali Rəhbərinə başsağlığı verib

“Türk dünyası” II Beynəlxalq Tələbə Tamaşaları Festivalının açılışı olub

Bakıda “Pyotr Fomenkonun emalatxanası” teatrının qastrolları olub

Qarabağ Universitetinə rektor təyin olunub

“Neftçi”nin baş məşqçisi: Qarşımızda Çempionlar Liqası kimi çox ağır missiya var

“Dəniz nəqliyyatında xarici daşımaçılıqla məşğul olan ticarət donanmasının heyət üzvlərinə vəzifə maaşlarına verilən aylıq əlavə pul təminatının yuxarı həddinin məbləği”nin təsdiq edilməsi və “Dəniz nəqliyyatında ezamiyyə xərcləri əvəzinə üzücü heyətin üzvlərinə sutkalıq ödənişlərin müəyyən edilməsi haqqında” Azərbaycan Respublikası Nazirlər Kabinetinin 2002-ci il 4 may tarixli 75 nömrəli Qərarında dəyişiklik edilməsi barədə
Azərbaycan Respublikası Nazirlər Kabinetinin QƏRARI

® Azerconnect Group COP29 çərçivəsində keçirilən Biznes Forumda iştirak edib

“Elektrik şəbəkələrinin mühafizə zonalarının ölçüləri və həmin ərazilərdə təsərrüfat işlərinin aparılmasına dair tələblər”in təsdiq edilməsi haqqında
 Azərbaycan Respublikası Nazirlər Kabinetinin QƏRARI

Azərbaycan Respublikası Nazirlər Kabinetinin 2015-ci il 14 may tarixli 190 nömrəli Qərarı ilə təsdiq edilmiş “Azərişıq” Açıq Səhmdar Cəmiyyətinin strukturu”nda dəyişiklik edilməsi haqqında
 Azərbaycan Respublikası Nazirlər Kabinetinin QƏRARI

Azərbaycan Respublikası Nazirlər Kabinetinin 2000-ci il 11 sentyabr tarixli 167 nömrəli Qərarı ilə təsdiq edilmiş “Azərbaycan Respublikasında notariat hərəkətlərinin aparılması qaydaları haqqında Təlimat”da dəyişiklik edilməsi barədə
 Azərbaycan Respublikası Nazirlər Kabinetinin QƏRARI

“Qarabağın rəngləri” layihəsinə təqdim edilmiş eskizlərin içərisindən 23 tələbənin əsəri seçilib

“Satınalan təşkilatlar tərəfindən ərzaq məhsullarının (dövlət ehtiyatları üçün alınan ərzaq məhsulları istisna olmaqla) mərkəzləşdirilmiş qaydada dövlət büdcəsinin vəsaitləri hesabına satın alınması Qaydası”nın təsdiq edilməsi barədə
 Azərbaycan Respublikası Nazirlər Kabinetinin QƏRARI

Azərbaycan Respublikası Nazirlər Kabinetinin 2008-ci il 29 fevral tarixli 59 nömrəli Qərarı ilə təsdiq edilmiş “Hərbi-həkim ekspertizası haqqında Əsasnamə”də dəyişiklik edilməsi barədə
Azərbaycan Respublikası Nazirlər Kabinetinin QƏRARI

® AYİB Azərbaycanda mikro, kiçik və orta sahibkarlığa dəstək üçün “AccessBank” ilə əməkdaşlığa başlayıb

Mərkəzi Bank yeni 1 qəpiklik metal pul nişanını tədavülə buraxıb

Gürcüstana 20 konteynerdən ibarət qatar yola salınıb VİDEO

Monteneqro müstəqilliyinin 18-ci ildönümünü qeyd edir

Bakıda güləş üzrə Avropa çempionatının açılış mərasimi keçirilib VİDEO

“Pedaqoji Universitetin gələcək təhsil liderləri” müsabiqəsinin finalı keçirilib

Qeyri-sabit hava şəraiti mayın 24-dək davam edəcək

Culian Assanjın həyat yoldaşı ABŞ-a müraciət edib: Jurnalistikaya qarşı biabırçı hücumdan əl çəkin FOTOLAR VİDEO

Sabahdan Əhməd Rəcəbli küçəsində nəqliyyatın hərəkəti məhdudlaşdırılacaq

Rəhman Hacıyev: “Qarabağın rəngləri” layihəsi xalqımızın xeyriyyəçilik ənənəsinin təşviqidir

“İstehsal, ətraf mühit və bərpa olunan enerji” – seminar

Azərbaycan çempionatlarında pley-off oyunlarının vaxtı bəlli olub

Ailə münaqişəsi zəminində 9 389 sayda hüquqazidd əməlin qarşısı alınıb

Mehmet Yüce: Türk dünyasının çox böyük və önəmli iqtisadi potensialı var

Monitorinq aparılmış bağçaların müdirləri üçün təlim keçirilib

® “Kapital Bank”ın nağd kredit lotereyasının 1-ci tirajının qalibləri bəlli olub

TÜRKSOY-un Baş katibi: “Türk dünyası” II Beynəlxalq Tələbə Tamaşaları Festivalının məqsədi gənclərə dəstək verməkdir

“Məhkəmələr və hakimlər haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 29 mart tarixli 1115-VIQD nömrəli Qanununun tətbiqi və bununla əlaqədar bəzi məsələlərin tənzimlənməsi haqqında
Azərbaycan Respublikası Prezidentinin Fərmanı

Avropada bütün zamanların ən yaxşı futbolçuları açıqlanıb

“Məhkəmələr və hakimlər haqqında” Azərbaycan Respublikasının Qanununda dəyişiklik edilməsi barədə
Azərbaycan Respublikasının Qanunu

Azərbaycan Gürcüstanın əsas xarici ticarət tərəfdaşları sırasında 5-cidir

“Azərbaycan Respublikasının 2001-ci il 12 iyun tarixli 141-IIQ nömrəli Qanunu ilə təsdiq edilmiş “Dövlət vergi orqanlarında xidmət haqqında Əsasnamə”də dəyişiklik edilməsi barədə” Azərbaycan Respublikasının 2024-cü il 19 aprel tarixli 1132-VIQD nömrəli Qanununun tətbiqi və bununla əlaqədar Azərbaycan Respublikası Prezidentinin bəzi fərmanlarında dəyişiklik edilməsi haqqında
Azərbaycan Respublikası Prezidentinin Fərmanı

Türk Dövlətləri Təşkilatının Baş katibi BDU-da

Azərbaycan Respublikasının 2001-ci il 12 iyun tarixli 141-IIQ nömrəli Qanunu ilə təsdiq edilmiş “Dövlət vergi orqanlarında xidmət haqqında Əsasnamə”də dəyişiklik edilməsi barədə
Azərbaycan Respublikasının Qanunu

Qadınların əməyi qadağan olunan peşə və iş yeri azaldılıb

Əfqanıstanda avtobus qəzasında 5 nəfər ölüb, 11 nəfər yaralanıb

Türkiyədə peyklərin işlənib hazırlanması sahəsində ən yaxşı gənc mühəndis-tədqiqatçılar müəyyən olunacaq

Azərbaycan Respublikası vətəndaşlarının 2024-cü il iyulun 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında
Azərbaycan Respublikası Prezidentinin Sərəncamı

Ukraynanın Xarkov vilayətində yaşayan Azərbaycan vətəndaşlarına bu bölgədə yaranmış vəziyyətlə bağlı müraciət edilib

Ş.V.Bayramovun Qarabağ Universitetinin rektoru təyin edilməsi haqqında
Azərbaycan Respublikası Prezidentinin Sərəncamı

Ş.V.Bayramovun Mingəçevir Dövlət Universitetinin rektoru vəzifəsindən azad edilməsi haqqında
Azərbaycan Respublikası Prezidentinin Sərəncamı

Elm və təhsil naziri Dünya Təhsil Forumunda

“Elektroenergetika haqqında” Azərbaycan Respublikasının 2023-cü il 11 aprel tarixli 858-VIQ nömrəli Qanununun icrası ilə əlaqədar Azərbaycan Respublikası Prezidentinin bəzi fərmanlarında dəyişiklik edilməsi və bəzi fərmanlarının ləğvi barədə
Azərbaycan Respublikası Prezidentinin Fərmanı

Neftçala Peşə Məktəbində “Açıq qapı” günü təşkil olunacaq

Hindistanda avtomobilin dərəyə aşması nəticəsində 18 nəfər ölüb

“Dövlət orqanlarında (qurumlarında) normayaratma fəaliyyətinin təkmilləşdirilməsi və bundan irəli gələn bir sıra məsələlərin tənzimlənməsi haqqında” Azərbaycan Respublikası Prezidentinin 2023-cü il 6 oktyabr tarixli 2328 nömrəli Fərmanının icrası ilə əlaqədar Azərbaycan Respublikası Prezidentinin bəzi fərmanlarında dəyişiklik edilməsi barədə
Azərbaycan Respublikası Prezidentinin Fərmanı

Ekologiya və Təbii Sərvətlər Nazirliyindəki Latviya Seyminin sədri ilə görüşdə COP29-a hazırlıq tədbirlərindən danışılıb

İqtisadiyyat nazirinin vətəndaşlarla görüşünün vaxtı dəyişdirilib

“Əsrə bərabər gün” tamaşasına baxış

Xarkov yaxınlığında istirahət mərkəzinə endirilən zərbə nəticəsində azı 7 nəfər həlak olub

Paytaxtda bəzi restoranlardan havaya atılan tullantıların miqdarının normadan çox olduğu müəyyənləşdirilib

Dual peşə təhsil proqramının monitorinqi davam etdirilir

İndoneziyanın İbu vulkanı beş kilometr hündürlüyə kül püskürüb

Qadın Resurs mərkəzləri vasitəsilə 824 nəfər qadın biznes fəaliyyətinə qoşulub

® ABB-nin Xankəndi filialı fəaliyyətə başlayıb!