QANUN LAYİHƏSİ SƏYYAR İCLASDA MÜZAKİRƏ EDİLMİŞDİR
Milli Məclisin sosial siyasət daimi komissiyası “Ana südü ilə qidalanmanın müdafiəsi, təbliği və nəzarət olunan süni qidalanma haqqında” qanun layihəsinin müzakirəsi ilə əlaqədar mütəxəssislərin rəyini öyrənmək üçün K.Fərəcova adına Elmi Tədqiqat Pediatriya İnstitutunda səyyar iclas keçirmişdir.
Komissiyanın sədri Hadı Rəcəbli iclası açaraq, qanun layihəsinin ayrı-ayrı bəndləri barədə məlumat verdi. O bildirdi ki, sənəd hazırlanarkən, yerli şərait nəzərə alınmaqla, inkişaf etmiş ölkələrin analoji qanunlarından istifadə olunur. Odur ki, ölkənin bütün aparıcı mütəxəssislərinin rəyi Milli Məclisin komissiya üzvləri üçün çox əhəmiyyətlidir.
YUNİSEF-in Azərbaycandakı nümayəndəliyinin rəhbəri Akif Saatçıoğlu, institutun direktoru professor Nəsib Quliyev, Səhiyyə Nazirliyinin şöbə müdiri Tahirə Əfəndiyeva, Milli Məclisin deputatları Məlahət Həsənova, Musa Quliyev qanun layihəsi ilə bağlı təklif və qeydlərini bildirdilər. Natiqlər anaların mühafizəsinə dair dövlət siyasətindən danışaraq, bu sahədə qanunvericilik bazası yaradacaq qanun layihəsinin təxirə salınmadan qəbul edilməsinin vacibliyini vurğuladılar.
Bölmənin digər xəbərləri
