CƏMİYYƏT
Qaradağ rayonu ərazisində avtomobildən pul oğurlamaqda şübhəli bilinən Lökbatan qəsəbə sakini tutulub
Bakı, 1 iyun, AZƏRTAC
Qaradağ rayonunda “Mercedes” markalı avtomobildən 300 manat məbləğində pul oğurlamaqda şübhəli bilinən Lökbatan qəsəbə sakini A.Cəfərov Qaradağ Rayon Polis İdarəsinin 10-cu polis bölməsi əməkdaşlarının keçirdikləri əməliyyat-axtarış tədbirləri nəticəsində saxlanılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, onunla bağlı aparılmış əməliyyat tədbirləri ilə həmin şəxsin Lökbatan qəsəbəsi ərazisində “Audi” markalı avtomobilin şüşəsini sındıraraq 180 manat dəyərində gödəkcə və pulqabı, “QAZ-3110” markalı avtomobildən isə 200 manat məbləğində pul oğurlaması da müəyyən edilib.