QƏRB UNİVERSİTETİNİN YAY MƏKTƏBİ
Qərb Universitetindən AZƏRTAC-a bildirmişlər ki, universitet gender tədqiqatları mərkəzi Birləşmiş Millətlər Təşkilatı Əhali Fondunun və “Acıq Cəmiyyət İnstitutu Yardım Fondu / Azərbaycan” Qadın Proqramının ekspert dəstəyi ilə sentyabrın 3-dən 5-dək “Grescet Beach” hotelində “Gender və mədəniyyət” Yay məktəbinin keçirilməsini planlaşdırır.
Təşkilatçıların ideyasına görə, tədbirin məqsədi gender biliklərinin tətbiqi yolu ilə gender mədəniyyətini yüksəltmək, habelə gender elmini ali təhsil sisteminə inteqrasiya etməkdir. İştirakçılar müsabiqə əsasında seçilir.
Dinləyicilər həm nəzəri, həm də praktiki biliklər əldə edəcəklər. Məşğələlər zamanı təhsilin interaktiv forma və üsullarından, “dəyirmi masa”lardan, müzakirələrdən, qruplarda iş aparmaqdan, videomaterialların nümayişindən istifadə olunacaqdır.
Yay məktəbinin yekunlarına görə iştirakçılara sertifikatlar veriləcəkdir.
Bölmənin digər xəbərləri
