QİYMƏTLİ XATİRƏLƏRDƏN BƏHS EDƏN KİTAB
Memuar ədəbiyyatının inkişafına layiqli töhfə olan bu kitabda oxucular görkəmli ziyalılarımızın, ictimai-siyasi xadimlərimizin bizə məlum keyfiyyətlərini bir qədər də tamamlayan səmimi, konkret faktlara söykənmiş xatirələrlə tanışlıq imkanı qazanacaqlar. Burada biz həm də Azərbaycan tarixi ilə bağlı maraqlı məlumat əldə edirik. Xatirələr arasında “Dahi və sadə Üzeyir bəy”, “Əziz Əliyev Azərbaycanın xoşbəxtliyini düşünən şəxsiyyət idi”, İsrafil Məmmədovdan bəhs edilən “Qəhrəmanlar unudulmur”, “Səməd Vurğun ömründən naməlum səhifələr” yazıları yeni informasiya bolluğuna görə xüsusi rəğbətlə qarşılanır.
Kitabda təkcə Xosrov Ağayevin xatirələri deyil, həm də müəllifin şəxsiyyəti və fəaliyyəti barədə Şəmkir Rayon İcra Hakimiyyətinin başçısı Aslan Aslanovun “Hər xatirədə bir tarix var”, Şuşa Rayon İcra Hakimiyyətinin başçısı Nizami Bəhmənovun “Bütün ömrünü doğma xalqına, vətəninə həsr etmiş insan“, kitabın tərtibçisi Natiq Əlioğlunun “Böyük və şərəfli ömürdən fraqmentlər” yazıları da verilmişdir.
Bölmənin digər xəbərləri
