“QOBUSTAN” RADİOSUNUN BEŞ YAŞI TAMAM OLMUŞDUR
Ukraynanın Sevastopol Teleradio Şirkəti nəzdində fəaliyyət göstərən “Qobustan” radiosunun beş yaşı tamam olmuşdur. Azərbaycan dilində efirə çıxan radionun bədii redaktoru Həbib Əliyev müxbirimizə demişdir ki, Azərbaycanın qədim tarixi, ədəbiyyatı, dili, adət-ənənələri, mədəniyyəti, muğamları və xalq mahnıları haqqında yerli əhaliyə vaxtaşırı məlumatlar çatdırılır.
Naxçıvan və digər yerlər barədə də maraqlı verilişlər dinləyicilərə çatdırılır. Bu günlərdə xalq şairi Məmməd Arazın yaradıcılığına həsr olunmuş radio-kompozisiya rəğbətlə qarşılanmışdır.
Hazırda Naxçıvanın Ordubad və Sədərək rayonları və tarixi Gəmiqaya barədə xüsusi veriliş üzərində iş gedir.
Bölmənin digər xəbərləri
