Respublika Günü konsert proqramı ilə qeyd edilib
Bakı, 24 may, AZƏRTAC
Bakı Şəhər Mədəniyyət Baş İdarəsinin Leopold və Mstislav Rostropoviçlər adına 21 nömrəli onbirillik musiqi məktəbində 28 May - Respublika Günü münasibətilə konsert proqramı təqdim olunub.
İdarədən AZƏRTAC-a bildirilib ki, konsertdə məktəbin şagirdləri tərəfindən F.Şopenin “İnqilabi etüd”, P.Sarasatenin “İntroduksiya - tarantella”, D.Şostakoviçin “Rəqs”, Ü.Hacıbəylinin “Arazbarı”, T.Quliyevin “Bakı haqqında mahnı”, C.Cahangirovun “Ana”, A.Rzayevin “Düşüncə” və Ə.Əzizovun “Skertso” əsərləri səsləndirilib.
Məktəbin xalq çalğı alətləri ansamblının müşayiətilə gerçəkləşən konsert proqramı maraqla qarşılanıb.
Bölmənin digər xəbərləri
