Şagirdlər #evdəqal çağırışına özünəməxsus üslubda qoşulublar
Bakı, 14 aprel, AZƏRTAC
Karantin günlərində internet üzərindən tədrisi davam etdirən məktəblər həm də uşaqların asudə vaxtının təşkili, onların maarifləndirilməsi istiqamətində geniş fəaliyyət göstərir, şagirdlərin yaradıcılığının müxtəlif istiqamətlər üzrə inkişaf etməsini dəstəkləyirlər.
AZƏRTAC xəbər verir ki, Bakı Şəhər Mədəniyyət Baş İdarəsinin Ş.Ələkbərova adına 20 nömrəli onbirillik musiqi məktəbi Baş İdarənin irəli sürdüyü təşəbbüslərə qoşulmaqla yanaşı, onun fəal iştirakçısına çevrilmək üçün səy göstərməkdədir.
Məktəbin Nəzəriyyə şöbəsinin müəllimi Lalə Cəfərova sinif şagirdləri ilə birlikdə #evdəqal çağırışına qoşulub. "Gəlin karantin müddətində musiqi mədəniyyətimizi inkişaf etdirək və pozitiv olub bütün sınaqlardan təbəssümlə keçək”, - deyə səsləniblər.
Bölmənin digər xəbərləri
