Sağlamlıq imkanları məhdud uşaqlar arasında şahmat üzrə muxtar respublika birinciliyi başa çatıb
Naxçıvan, 1 aprel, AZƏRTAC
Naxçıvan Şahmat Mərkəzində 18 yaşadək sağlamlıq imkanları məhdud uşaqlar arasında keçirilən şahmat üzrə muxtar respublika birinciliyinə yekun vurulub.
AZƏRTAC-ın Naxçıvan bürosu xəbər verir ki, Naxçıvan Muxtar Respublikasının Gənclər və İdman Nazirliyi, Paralimpiya Federasiyası və Şahmat Federasiyasının birgə təşkilatçılığı ilə keçirilən birincilikdə sağlamlıq imkanları məhdud 24 uşaq iştirak edib.
Yarışın yekun nəticəsinə əsasən Fatimə Yusifli birinci, Turan Nağıyev ikinci, Səlim Sadiqli üçüncü, Yusif Səfərəliyev dördüncü, Samir İmanquliyev isə beşinci yerə layiq görülüblər.
Qaliblərə Paralimpiya Federasiyası tərəfindən diplom və qiymətli hədiyyələr, Şahmat Federasiyası tərəfindən isə pul mükafatları təqdim olunub. Digər iştirakçılara Paralimpiya Federasiyasının fəxri fərmanları və qiymətli hədiyyələri verilib.
Bölmənin digər xəbərləri
