ŞAHMATÇILARIN RESPUBLİKA ÇEMPİONATINA START VERİLMİŞDİR
AZƏRTAC Şahmat Federasiyasına istinadən xəbər verir ki, Respublika Şahmat Mərkəzində şahmat üzrə ölkənin komanda birinciliyi başlanmışdır.
Turnirdə dairəvi sistem üzrə 8 komanda mübarizə aparır.
İlk turdan sonra yarış cədvəlinə 4,5 xal toplamış Lənkəran komandasının şahmatçıları liderlik edirlər.
“Makkabi” və “Həmkarlar İttifaqı” (hər biri 4 xal), “Respublika Şahmat Mərkəzi” və “Nəsimi İxtisaslaşmış Olimpiya Ehtiyatları İdman Məktəbi” (hərəyə 3 xal), “Gəncə” və “Veteranlar” (hər biri 2 xal), “Neftçi” komandaları 1,5 xal yığmışdır.
Turnir dekabrın 20-də başa çatacaqdır.
Bölmənin digər xəbərləri
