Samir Məmmədov: Rəqəmsal Sənəd Dövriyyəsi altsisteminə 1700-dən çox qurum inteqrasiya olunub
Bakı, 17 sentyabr, AZƏRTAC
Azərbaycanın COP29 ölkəsi kimi dayanıqlı rəqəmsal və innovativ həlləri təşviqi və həyata keçirməsi xüsusi önəm kəsb edir. Xüsusilə rəqəmsal hökumət quruculuğunda Rəqəmsal Sənəd Dövriyyəsi (RSD) altsisteminin verdiyi imkanlar proseslərin səmərəliliyinin artırılması və ətraf mühitə ziyanın minimuma endirilməsini təmin edir.
AZƏRTAC xəbər verir ki, bunu rəqəmsal inkişaf və nəqliyyat nazirinin müavini Samir Məmmədov sentyabrın 17-də Bakıda keçirilən “mygov” platformasının təqdimatında deyib.
Nazir müavini bildirib ki, RSD-dən istifadə etməklə dövlət qurumları arasında aparılan sənəd mübadiləsi nəticəsində aylıq 500 mindən çox vərəqə qənaət edilir. Bununla da sənəd mübadilələrinin səmərəliliyinin artırılması ilə yanaşı, kağızdan istifadə də minimuma endirilir. “Bu, ildə təxminən 2 minə yaxın ağacın qorunması deməkdir. Dövlət orqanları və tabeli altqurumlar da nəzərə alınmaqla altsistemə hazırda 1700-dən çox qurum inteqrasiya olunub”, - deyə o əlavə edib.
Bölmənin digər xəbərləri
