Səkkiz ayda Azərbaycanın İtaliyaya ixrac etdiyi neft məhsullarının dəyəri 5,2 milyard dollardır
Bakı, 19 sentyabr, AZƏRTAC
Yanvar-avqust aylarında Azərbaycan ən çox İtaliyaya bitumlu süxurlardan alınmış xam neft və xam neft məhsulları ixrac edib. Həmin ixracın həcmi 7 milyon 37,6 min ton, dəyəri isə 5 milyard 291,4 milyon ABŞ dolları olub.
AZƏRTAC xəbər verir ki, bu barədə Dövlət Gömrük Komitəsi (DGK) məlumat yayıb.
Səkkiz ayda ölkəmizdən Hindistana 1 milyard 341,6 milyon dollarlıq 1 milyon 599,6 min ton, İsrailə 1 milyard 177,9 milyon dollarlıq 1 milyon 632,4 min ton, Böyük Britaniyaya 752,5 milyon dollarlıq 926 min ton, Xorvatiyaya 596,1 milyon dollarlıq 685,4 min ton, Çexiyaya 586,1 milyon dollarlıq 731,7 min ton, Portuqaliyaya 546,9 milyon dollarlıq 742,6 min ton, İspaniyaya 426 milyon dollarlıq 560 min ton, Tunisə 408,4 milyon dollarlıq 542,8 min ton, Ukraynaya 304,5 milyon dollarlıq 506,3 min ton, Almaniyaya 258,5 milyon dollarlıq 351 min ton, Vyetnama 247,7 milyon dollarlıq 276,3 min ton, İsveçrəyə 232 milyon dollarlıq 264,8 min ton, Tailanda 231,4 milyon dollarlıq 368,4 min ton, İndoneziyaya 220,9 milyon dollarlıq 255,4 min ton, İrlandiyaya 203,6 milyon dollarlıq 265,2 min ton, Rumıniyaya 189,5 milyon dollarlıq 260,1 min ton, Türkiyəyə isə 173,5 milyon dollarlıq 308 min ton xam neft və xam neft məhsulları ixrac edilib.
Qeyd edək ki, səkkiz ayda Azərbaycan 26 ölkəyə xam neft və xam neft məhsulları göndərib.
Hesabat dövründə Azərbaycandan ümumilikdə 17 milyon 983,7 min ton xam neft və xam neft məhsulları ixrac edilib, ixracın dəyəri 13 milyard 724,3 milyon dollar olub.
Bölmənin digər xəbərləri
