“Səmanın fəthi” sənədli filmi Şamaxı Astrofizika Rəsədxanasında nümayiş olunacaq
Bakı, 20 aprel, AZƏRTAC
Səmanın fəthi” elmi-kütləvi sənədli filmi ARB televiziyasının “Aranfilm” Yaradıcılıq Mərkəzi tərəfindən çəkilib.
Ekran əsərinin ilk nümayişi aprelin 23-də saat 12:00-da Azərbaycan Milli Elmlər Akademiyasının (AMEA) Şamaxı Astrofizika Rəsədxanasında olacaq.
AMEA-dan AZƏRTAC-a bildiriblər ki, filmdə astronomiya elminin inkişaf tarixindən, Şamaxı Astrofizika Rəsədxanasının fəaliyyətindən, əldə olunan nailiyyətlərdən, həmçinin Beynəlxalq Astronomiya Birliyi tərəfindən kəşf edilmiş yeni göy cisimləri və planetlər üzərindəki kraterlərə Azərbaycanın görkəmli şəxsiyyətlərinin adlarının verilməsindən bəhs olunur.
Filmin ssenari müəllifi və rejissoru Aydan Əhmədovadır.
Bölmənin digər xəbərləri
