TOFİQ QARAYEVİN ŞƏRƏFİNƏ HƏSR OLUNMUŞ ATLETİKA TURNİRİNİN QALİBLƏRİ MƏLUM OLMUŞDUR

15.12.2008 [19:24]
Çap et
A⁺ A^-

AZƏRTAC xəbər verir ki, Respublika Olimpiya Mərkəzində tanınmış idman hakimi, professor Tofiq Qarayevin mükafatları uğrunda atletika üçnövçülüyü üzrə turnirin qalibləri məlum olmuşdur.

Yarışda Azərbaycan idmançıları ilə yanaşı, Gürcüstan atletləri də mübarizə aparmışlar.

Oğlanların şəxsi birinciliyində Gürcüstan təmsilçisi Xoruva Bocuma birinci olmuşdur. Samir Ağaməmmədov (“Təhsil”) ikinci, Niko Kartasevi (Gürcüstan) isə üçüncü yeri tutmuşlar.

Qızların yarışında isə Bakı Təhsil İdarəsinin (BTİ) yetirməsi Valeriya Əzimova fəxri kürsünün ən yüksək pilləsinə qalxmışdır. Lidiya Buqalan (BTİ-2) ikinci, Alyona Setina (BTİ-1) isə üçüncü yeri tutmuşdur.

Komanda hesabında “BTİ-1”-in kollektivi fərqlənmişdir. Gürcüstan idmançıları ikinci, Sumqayıt komandası isə üçüncü olmuşdur.