İDMAN
“Trabzonspor” klubu “Benfika”nın hücumçusunu transfer edib
Bakı, 7 avqust (AZƏRTAC). Türkiyənin “Trabzonspor” klubu “Benfika” komandasının futbolçusu Oskar Kardozonu transfer edib.
AZƏRTAC “Trabzonspor” klubunun internet saytına istinadla xəbər verir ki, artıq O.Kardozo Trabzona gələrək tibbi müayinədən keçib. 32 yaşlı hücumçu yeni klubu ilə üç illik müqavilə imzalayacaq.
Paraqvay millisinin hücumçusunun “Trabzonspor” klubuna təxminən beş milyon avroya transfer olunduğu bildirilir.
Trabzon şəhərindəki aeroportda paraqvaylı futbolçunu çoxlu sayda azarkeş qarşılayıb.
Hücumçu indiyədək Argentina, Paraqvay və Portuqaliyanın komandalarında çıxış edib. Karyerası ərzində Portuqaliya çempionluğu yaşayan futbolçu, eyni zamanda, həmin ölkənin kubokunun sahibidir. O.Kardozo Portuqaliya çempionatında iki dəfə mövsümün ən yaxşı bombardiri olub.
Türkiyə klubu bundan əvvəl İtaliyanın “AC Milan” klubundan qvineyalı futbolçu Kevin Konstantı transfer edib.