Tbilisidəki Mtastminda parkında yanğın baş verib
Tbilisi, 4 iyul, AZƏRTAC
Tbilisidəki Mtastminda parkının dağlıq ərazisində yanğın baş verib. Dağın yamacında başlayan yanğının hansı səbəbdən baş verdiyi məlum deyil.
AZƏRTAC xəbər verir ki, hazırda yanğınsöndürmə briqadaları alovun daha geniş əraziyə yayılmasının qarşısını almağa və alovu söndürməyə çalışırlar.
Yanğının söndürülməsinə helikopter cəlb olunub.
Qeyd edək ki, Mtastminda parkı Tbilisidə əhalinin ən çox istirahət etdiyi ərazilərdən biridir. Gürcüstanın televiziya qülləsi də məhz həmin ərazidə yerləşir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
