Ermənistan ABŞ-la birlikdə yeni AES tikməyi planlaşdırır
Tbilisi, 4 iyul, AZƏRTAC
Ermənistan Amerika Birləşmiş Ştatları ilə birlikdə yeni Atom Elektrik Stansiyası (AES) tikməyi planlaşdırır.
AZƏRTAC xəbər verir ki, bunu Ermənistan Təhlükəsizlik Şurasının sədri Armen Qriqoryan “Ermənistan - Qərb Tərəfdaşlığı - Avropa İttifaqı, çağırışlar və imkanlar” adlı panel müzakirəsində çıxışı zamanı deyib. Onun sözlərinə görə, danışıqlar vacib mərhələyə keçib.
“Yeni atom elektrik stansiyasının tikintisi ilə bağlı danışıqlarda biz çox mühüm mərhələyə qədəm qoyduq. İndi biz ABŞ-la kosmosun hüquqi tənzimlənməsi məsələsini müzakirə edirik, onsuz biz irəli gedə bilməyəcəyik. Hələlik topun ABŞ-ın meydanında olduğunu deyə bilərəm. Biz ABŞ-ın daxili proseslərinin başa çatmasını gözləyirik və bundan sonra işə başlayacağıq”, - deyə Qriqoryan bildirib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
