TÜRKİYƏ-AVROPA İTTİFAQI DANIŞIQLARININ İLK MƏRHƏLƏSİ BAŞA ÇATMIŞDIR

14.06.2006 [10:45]
Çap et
A⁺ A^-

AZƏRTAC-ın xüsusi müxbiri xəbər verir ki, iyunun 13-də Türkiyənin Avropa İttifaqına üzvlüyü ilə əlaqədar rəsmi danışıqların ilk mərhələsi başa çatmışdır. Ankaranın təşkilat qarşısında elm və tədqiqatlar üzrə götürdüyü öhdəliklər barədə ümumi razılıq əldə olunmuşdur. Makedoniyada rəsmi səfərdə olan Baş nazir Rəcəb Tayyib Ərdoğan jurnalistlərə müsahibəsində bildirmişdir ki, Cənubi Kiprin yaratdığı bəzi maneələrə baxmayaraq, 35 maddədən ibarət öhdəliklərin ilk maddəsi üzrə artıq razılıq əldə olunmuşdur.

Baş nazirin müavini, xarici işlər naziri Abdullah Gül isə danışıqlardan sonra Aİ-nin fəaliyyətdə olan sədri, Avstriyanın xarici işlər naziri Ursula Plassnik və təşkilatın genişlənmə üzrə nümayəndəsi Olli Rehn ilə keçirdiyi birgə mətbuat konfransında quruma üzvlük yolunda Türkiyənin güzəştə getməyəcəyi yeganə məsələnin Kipr problemi olduğunu söyləmişdir. O bildirmişdir ki, bu məsələ Türkiyə-Aİ münasibətlərini “gərəksiz şəkildə zəhərləməməlidir”. A.Gül Ankaranın bu problemi həll etməyə çalışdığını, lakin yunanların qeyri-konstruktiv mövqe tutduqlarını diqqətə çatdırmışdır.

TÜRKİYƏ-AVROPA İTTİFAQI DANIŞIQLARININ İLK MƏRHƏLƏSİ BAŞA ÇATMIŞDIR

MÜƏLLİFLƏ ƏLAQƏ

Bölmənin digər xəbərləri