Türkiyədə səsvermə başa çatıb
Ankara, 31 mart, AZƏRTAC
Türkiyədə keçirilən növbəti bələdiyyə seçkilərinə səsvermə yerli vaxtla saat 17.00-da yüksək seçici fəallığı ilə başa çatıb və bülletenlər sayılır.
AZƏRTAC xəbər verir ki, Türkiyənin Ali Seçki Komissiyası ölkə üzrə 57 milyon 93 min 410 vətəndaşın seçmək hüququnu təsdiqləyib. Məntəqələrdə ümumilikdə 194 min 678 seçki qutusu qoyulub.
Seçicilər on iki siyasi partiya təmsilçisinə və müstəqil namizədlərə səs veriblər.
Qeyd edək ki, hakim Ədalət və İnkişaf Partiyası (AKP) ilə müxalifətdə olan Milliyyətçi Hərəkat Partiyası (MHP) “Cümhur ittifaqı”, Cümhuriyyət Xalq Partiyası (CHP) ilə İYİ Partiya isə “Millət ittifaqı” blokunda birləşərək bələdiyyə seçkilərinin ən fəal tərəfləri olublar.
Yerli vaxtla saat 21.00-dan sonra “sükut günü”nə aid yayın qadağaları aradan götürüləcək.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
