ÜÇ AYDA 350-YƏ YAXIN MÜƏSSİSƏ VƏ OBYEKT ÖZƏLLƏŞDİRİLMİŞDİR
Dövlət Əmlakının İdarə Edilməsi üzrə Dövlət Komitəsindən AZƏRTAC-a bildirmişlər ki, yanvar-mart aylarında qurum tərəfindən 350-yə yaxın kiçik dövlət müəssisə və obyekti özəlləşdirilmişdir.
Ümumiyyətlə, indiyədək 41 minə yaxın kiçik dövlət müəssisə və obyekti xüsusi mülkiyyətə çevrilmişdir.
Birinci rübdə 175-ə yaxın torpaq sahəsi, aprelin əvvəlinədək 2500-ə yaxın müəssisə və obyektin torpaq sahəsi özəlləşdirilmişdir.
Komitədə dövlət torpaqları haqqında sistemləşdirilmiş məlumatların əldə edilməsinə imkan verən informasiya-axtarış sistemi və məlumat bankı yaradılmışdır. Ötən müddətdə məlumat bankına səhmdar cəmiyyətləri, dövlət müəssisələri, özəlləşdiriləcək və özəlləşdirilmiş müəssisələrin və obyektlərin yerləşdiyi torpaq sahələri barədə 8300-ə yaxın məlumat daxil edilmişdir.
Respublikanın digər şəhər və rayonlarında monitorinqlər keçirilmiş və araşdırmaların nəticəsində ümumilikdə 100-ə yaxın müəssisə və obyektin torpaq sahələrindən qeyri-qanuni istifadə halları aşkarlanmışdır.
Bölmənin digər xəbərləri
